Svona finnurðu rétta andlitsmaskann
Setja bókamerki
Tengdar fréttir
Snyrtipenninn
Þegar ég stend ráðalaus fyrir framan spegilinn er oft lítið annað í stöðunni en að maka á mig andlitsmaska og vona það besta. Útkoman er yfirleitt sléttari, þéttari og ljómameiri húð en ávinningurinn getur einnig falist í andlegri vellíðan.
Aukin virkni einkennir nýjustu andlitsmaskana og þegar maður finnur rétta andlitsmaskann fyrir sig getur það jafnast á við meðferð á snyrtistofu. Fyrir óreynda leikmenn getur framboðið verið ansi yfirþyrmandi svo hér eru þeir settir í fjóra flokka sem ætti að einfalda leitina að fullkomna andlitsmaskanum.
Byrjað á andlitsskrúbbi
Nema þú sért að nota andlitsmaska sem inniheldur sýrur, til að fjarlægja dauðar húðfrumur, er nauðsynlegt að byrja á að nudda dauðar húðfrumur af yfirborði húðarinnar með kornahreinsi. Þannig hámarkarðu virkni andlitsmaskans. Eco by Sonya Super Acai Exfoliator er lífrænn andlitsskrúbbur sem byggir á Acai-berjum og er formúlan full af andoxunarefnum og án allra aukaefna. Bobbi Brown Radiance Boost Exfoliating Face Mask er mjög djúphreinsandi kornaskrúbbur sem einnig má hafa á húðinni í lengri tíma og nota sem andlitsmaska. Formúlan inniheldur sjávarþörunga, hýalúrónsýru og appelsínuolíu til þess að mýkja og endurvekja ljóma húðarinnar.
Djúphreinsandi andlitsmaskar
Fyrir venjulegar til blandaðra húðgerða er mikilvægt að tileinka sér notkun á djúphreinsandi maska einu sinni í viku, sömuleiðis ef þú notar mikinn farða þá skal hjálpa húðinni með djúphreinsun. Leirmaskar eru góðir djúphreinsandi maskar þar sem leirinn sogar upp óhreinindi úr húðholunum. Prófaðu Bare Minerals ClayMates Mask Duo Be Pure & Be Dewy, nýjan andlitsmaska sem er tvískiptur. Hvíta formúlan er djúphreinsandi og sú bleika er nærandi en báðar formúlurnar eru stútfullar af andoxunarefnum. Annar góður djúphreinsandi maski er hinn nýi Shiseido Waso Purifying Peel Off Mask en hann þornar á andlitinu og þegar þú lyftir honum af húðinni dregur hann með sér óhreinindi úr húðholunum. Formúlan inniheldur m.a. Shiso-lauf og sérstakar púðuragnir sem soga í sig umhverfismengun.
Rakagefandi andlitsmaskar
Rakamaskar eru alltaf vinsælir, sérstaklega yfir vetrartímann þegar kuldinn þurrkar upp húðina, og henta öllum húðgerðum. Rakaskortur húðarinnar einnig skapað fínar línur í húðinni sem minnka eða hverfa við notkun á góðum rakamaska og –kremum. Einn af mínum uppáhalds er Skyn Iceland Arctic Hydration Rubberizing Mask with Vitamin C en þetta er gelkennd formúla sem þú berð á andlitið og það verður eins og gúmmí á húðinni. Á meðan maskinn er á hefur hann bæði rakagefandi og kælandi áhrif. Clinique Moisture Surge Overnight Mask er annar andlitsmaski sem er sérlega rakagefandi en honum er ætlað að vera á yfir nótt. Formúlan er mjög nærandi og inniheldur engin ertandi efni svo daginn eftir vaknarðu með sléttari húð.
Endurnýjandi andlitsmaskar
Endurnýjandi andlitsmaskar sjá henta vel þreyttri og líflausri húð sem skortir ljóma. Þeir byggja gjarnan á ávaxtasýrum, sem leysa upp dauðar húðfrumur, eða innihalda fíngerð korn til að nudda burt dauðar húðfrumur á yfirborðinu. Bare Minerals ClayMates Mask Duo Be Bright & Be Firm byggir á tvíþættri formúlu sem er full af náttúrulegum andoxunarefnum. Notaðu fjólubláu formúluna til að hreinsa óhreinindi af yfirborði húðarinnar á T-svæðinu en hún inniheldur m.a. papaya-ensím til að leysa upp dauðar húðfrumur. Grænu formúluna notarðu svo á önnur svæði til að fá aukinn raka í húðina en hún inniheldur stynnandi og mýkjandi grænkál og vatnsmelónu-extrakt. Herbivore Brighten Instant Glow Mask er einnig frábær maski sem inniheldur ávaxtaensím og brasilíska tourmaline-steina og hjálpar þannig húðinni að endurheimta ljóma sinn.
Næturmaskar
Næturmaskar eru sífellt að verða vinsælli og þar sem sofið er með maskann fær formúlan góðan tíma til að hámarka virkni sína. Þeir henta yfirleitt öllum húðgerðum og henta vel þeim sem vilja vakna endurnærðir, allavega með endurnærða húð. Shiseido Waso Beauty Sleeping Mask er nýr maski sem veitir húðinni djúpan raka yfir nóttina, jafnar olíuframleiðslu húðarinnar og dregur úr ásýnd svitahola. Chanel Le Lift Skin Recovery Sleep Mask er frábær næturmaski sem dregur úr öldunarmerkjum húðarinnar og hefur stinnandi áhrif. Bera skal maskann á andlit og háls en hún inniheldur m.a. silkiprótín og 3.5-DA, sérstaklega unna dicaffeoylquinic-sýru.
Taumaskar
Fyrir umhverfisverndarsinna eru taumaskar ekki æskilegir nema í neyð eða á ferðalögum þar sem þeir eru einnota og skilja því eftir sig umbúðir í ruslinu eftir hverja notkun. Hinsvegar eru þeir margir mjög góðir, kraftmiklir og koma sér vel þegar mikið liggur við. Einn af mínum uppáhaldstaumöskum þessa dagana er LancômeAdvanced Génifique Hydrogel Melting Sheet Mask er mjög virkur og rakagefandi maski sem veitir húðinni yngri ásýnd á stuttum tíma. Karuna er mjög gott merki þegar kemur að taumöskum og er Karuna Hydrating+ Face Mask frábær þegar húðin þarf skot af raka. Að lokum verður að minnast á hina nýju taumaska frá Nip+Fab sem eru sérstaklega hannaðir fyrir húð á undan förðun. Nip+Fab Ultra-Illuminating Dewy Primer Mask veitir húðinni raka og ljóma á meðan Nip+Fab Mattifying Pore Minimising Primer Mask veitir húðinni mattara yfirbragð.
Tengdar fréttir
Snyrtipenninn
Skemmtiferðaskip hætt komið nærri Viðey
Skiptir miklu meira máli en fólk grunar
Banna mengandi búnað sem leyfður er á Íslandi
Vélsleðaslys: Þyrlan kölluð út á mesta forgangi
Krefjast stöðvunar framkvæmda
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál