Fyrrverandi ritstjóri Glamour, Álfrún Pálsdóttir, er nýráðin sem kynningarstjóri Hönnunarmiðstöðvar Íslands.
Álfrún hefur starfað á fjölmiðlum í meira en áratug en hún er menntuð í fjölmiðla- og kynjafræði frá Háskólanum í Osló. Áður en hún varð ritstjóri Glamour var hún ritstjórnarfulltrúi á Fréttablaðinu.
„Hún mun halda utan um, móta og bera ábyrgð á kynningarmálum Hönnunarmiðstöðvar og þeim verkefnum sem miðstöðin sinnir, auk þess að veita samfélagi hönnuða og arkitekta þjónustu á sviði kynningarmála. Álfrún hóf störf 4. janúar og bjóðum við hana velkomna til starfa,“ segir í fréttatilkynningu frá Hönnunarmiðstöð Íslands.