Critics Choice-verðlaunin voru veitt við hátíðlega athöfn í Bandaríkjunum um helgina. Hvítir, silfraðir og ljósir litir voru áberandi. Leikkonurnar voru ekki þær einu sem mættu í þessu litaþema heldur mátti sjá karlmenn í hvítum og ljósum jakkafötum.
Lady Gaga tekur sjaldan feilspor á rauða dreglinum og gerði það ekki þegar hún mætti í fallegum kjól frá Calvin Klein. Emily Blunt var einnig glæsileg í hvítum síðkjól með steinum á frá Miu Miu. Eiginmaður hennar, John Krasinski, mætti í hvítum jakka í stíl.