Hver er best klædda kona Íslands?

Reglulega hefur Smartland valið best klæddu konur Íslands. Í Tískublaði Morgunblaðsins sem kemur út á næstunni verður listinn kynntur. 

Hvað einkennir best klæddu konur Íslands? Eyða þær öllum peningunum sínum í föt eða búa þær yfir þeirri náðargáfu að geta gert mikið úr litlu? Sannleikurinn er yfirleitt sá að peningar geta ekki keypt stíl og allt það. Svo er smekkur fólks misjafn. Það sem einum finnst ógurlega lekkert finnst öðrum hræðilegt og svo má ekki gleyma því að kynin hafa mjög ólíka sýn á hvað er smekklegur klæðnaður og hvað ekki. 

Frétt af mbl.is

Best klæddu konur Íslands

Þess vegna leitum við til ykkar til þess að listinn verði upp á 10! Það sem þú þarft að gera er að senda skilaboð á Smartland á Instagram eða á netfangið smartland@mbl.is. Nóg er að tilgreina eina konu en þær mega vera fleiri ef ykkur liggur mikið á hjarta. Ekki væri verra að fá eins og eina setningu um ykkar fulltrúa. 

Markmiðið er að hafa listann eins fjölbreyttan og hægt er. Þess vegna þurfum við á þér að halda í verkefnið. 

• Blogga um frétt