Hinir ríku og frægu mættu á galakvöld á vegum amfAr-góðgerðarsamtakanna í New York á miðvikudaginn. Stjörnurnar voru mættar í sínu fínasta pússi en flegnir kjólar voru í aðalhlutverki.
Systurnar Kim og Kourtney Kardashian voru þar fremstar í flokki en raunveruleikastjörnurnar voru í stíl í svörtum síðkjólum. Kim Kardashian sem var í ögn flegnari kjól en stóra systir hennar þakkaði Versace fyrir lánið á þessum gamla kjól.
Fyrirsætan Heidi Klum var að sjálfsögðu mætt í afar flegnum kjól en hún var í nýjum silfruðum hátískukjól frá Paolo Sebastian.