Tónlistarkonan Heiðrún Anna Björnsdóttir stal senunni í bláum leðurkjól í Söngvakeppninni um helgina. Heiðrún Anna er greinilega með puttana á púlsinum í tískuheiminum en blátt leður virðist vera afar vinsælt þessa dagana. Engin önnur en tískudrottningin Anna Wintour sást í bláu leðri daginn eftir að Heiðrún Anna sló í gegn í Háskólabíói.
Anna Wintour var í síðri blárri leðurkápu þegar hún var viðstödd tískusýningu Victoriu Beckham í London á sunnudaginn.
Bláa leður- eða pleðurtískan sást líka á tískupallinum hjá Victoriu Beckham. Mátti sjá skó og veski í bláa litnum þegar frú Beckham sýndi haust- og vetrartískuna fyrir árið 2019.