Guðdómlegt frá Jil Sander

Þeir sem eru orðnir þreyttir á öllum litunum og mynstrunum í tískunni um þessar mundir geta andað léttar. Jil Sander er með guðdómlega vetrarlínu fyrir árið 2019 í vændum. 

Ljósir litir og form sem minna á framtíðina, í bland við áttunda og níunda áratug síðustu aldar, fá hverja konu til að bíða eftir næsta vetri með tilhlökkun. Hvítt er blandað með svörtu og form sem minna meira á byggingar en fatnað verða vinsæl ef marka má tískuhúsið. 

Handtöskurnar sem væntanlegar eru frá tískuhúsinu eru einnig fallegar. Þær eru einfaldar úr hágæðaleðri. Margir bíða með spenningi eftir að þessar vörur komast í hillurnar svo hægt sé að fara að klæðast með klassísku sniði aftur. 

• Blogga um frétt