Flestar konur kannast við það að stundum er ekki gert ráð fyrir einum einasta vasa á flíkum. Það getur verið einstaklega óhentugt fyrir þær sem nenna ekki að vera með veski með sér á viðburðum, til dæmis á djamminu eða tónlistarhátíðum.
Hér eru hins vegar stuttbuxurnar sem geta breytt lífi fjölda kvenna. Þær eru nefnilega með stórum vasa sem er hægt að festa á buxurnar. Í vasanum erum þrjú hólf og því hægt að geyma allt það nauðsynlega eins og veski, lykla, síma, sólgleraugu, túrtappa og snyrtivörur.
Stuttbuxurnar eru frá merkinu My Mum Made It og kosta 60 Bandaríkjadali eða um 7.200 íslenskar krónur.