Það þekkja það margir að eiga í erfiðleikum með að láta varalitinn endast. Förðunarfræðingurinn Pati Dubroff sem farðar stjörnur á borð við Margot Robbie og Priyönku Chopra er búin að koma sér upp góðri varalitatækni eins og fram kemur í viðtali við hana á Refinery29.
Dubroff sá um að farða Robbie á BAFTA-verðlaununum en blár augnmálingin sem Robbie skartaði vakti mikla athygli. Hún farðaði síðan Chopra fyrir eftirpartý Óskarsverðlaunanna.
Varaumhirða skiptir öllu máli að mati Dubroff en hún segir afa mikilvægt að vera ekki með þurrar varir.
Síðan segist hún nota puttana í varalitinn. Hún notar því ekki pensla eins og margir förðunarfræðingar. Í stað þess pressir hún varalitnum með puttunum en hún heldur því fram að liturinn endist betur með aðferðinni. Stundum notar hún mismunandi litatóna, til dæmis dökkan eða ljósan lit í miðjuna.