Hvenær eru spennur orðnar of margar?

Óskarsverðlaunaleikkonan Lupita Nyong'O fær vinningin þegar kemur að frumlegustu hárgreiðslu og förðun á rauða dreglinum í ár. Erfitt er að ímýnda sér að einhver toppi hana í ár þótt enn sé nóg til stefnu. Einhver gæti spurt sig að því hvort ekki hefði mátt sleppa nokkrum spennum. 

Förðunarfræðingur Nyong'O sagðist í viðtali við Allure hafa sótt innblástur til tónlistarmyndbanda á níunda áratugnum. Ekki er hægt að segja annað en að Nyong'O hafi borið augnskuggann sem málaður var þvert yfir andlit hennar afskaplega vel. 

Hárgreiðsla leikkonunnar vakti ekki síður athygli en hún var með hárið greitt aftur og stórar og fyrirferðarmiklar spennur huldu að hluta til hár hennar. Spennur sem þessar eru notaðar til þess að halda hárinu þegar verið er að greiða það. Nyong'O er þó ekki sú fyrsta til þess að bera slíkar spennur til skrauts en hárgreiðslumaður hennar benti á það á Instagram að hann hefði fengið innblástur frá engum öðrum en rapparanum Snoop Doog. 

Lupita Nyong'O. mbl.is/AFP

• Blogga um frétt