Fékk bólur þegar hún hætti á getnaðarvörn

Kels­ey Morg­an Hen­son, eiginkona Hafþórs Júlíusar Björnssonar, opnar sig um bólurnar sem hún hefur verið að glíma við að undaförnu á Instagram. Segir Henson sem giftist Fjallinu í fyrra það hafa verið erfitt fyrir hana að segja frá bólunum en hún reyndi lengi að fela þær með farða sem hún segir bara hafa gert illt verra. 

Henson segir bólurnar hafa byrjað að myndast þegar hún flutti til Íslands en húðin versnaði síðan enn meir þegar hún hætti á getnaðarvörn en því ferðalagi lýsir hún sem rússíbana. Segir hún andlit sitt hafa verið þakið hormónabólum sem var erfitt fyrir hana enda alltaf verið með mjög góða húð. 

Húð Kelsey Henson var mjög slæm í desember eins og hún sýnir á Instagram. skjáskot/Instagram

„Mig langaði ekki að fara út úr húsi, ég þurfti að setja miklu meiri farða sem gerði bólurnar mun verri, ég byrjaði að verða þunglynd,“ segir Henson sem prófaði lyf og krem sem gerði þó bólurnar bara verri og húðina þurra. 

Henson sem segist ekki vera að auglýsa neitt horfir nú fram á bjartari tíma þar sem hún segist hafa náð miklum árangri með vöru frá íslenska fyrirtækinu Key Natura. Tók hún inn bætiefni fyrir húðina og þó að töflurnar hafi ekki átt að vinna sérstaklega gegn bólum virkuðu þær vel fyrir Henson. 

Frétt af mbl.is

Hafþór Júlíus kvæntist ástinni sinni

Meðal myndanna sem Henson birti á Instagram má sjá fyrir- og eftirmyndir og sést þar hversu slæm Henson var í húðinni. 

• Blogga um frétt