Leyfir loks krullunum að njóta sín

Söngkonan Beyoncé var lengi vel þekkt fyrir slétt hár sitt en hefur að undanförnu verið að sýna sitt rétta andlit eða hár réttara sagt. Hárgreiðslumaður hennar, Neal Farinah, birti á dögunum mynd af söngkonunni þar sem hár hennar er töluvert öðruvísi greitt en gamlir aðdáendur hennar eiga að venjast. 

Frétt af mbl.is

Viltu hár eins og Beyoncé?

„Býður upp á alveg náttúrulegt hár,“ skrifaði Farinah meðal annars við myndina sem má sjá hér að ofan. „Rokkar þetta fallega krullaða hár,“ skrifaði Farinah við fyrstu myndina frá kvöldinu. Við enn aðra mynd notaði hann myllumerkið náttúrulega krullað hár eða #naturalcurlyhair. 

Farinah hefur unnið lengi með söngkonunni sem skartaði ekki bara oft sléttu hári áður fyrr heldur einnig bylgjum. Nú virðist söngkonan sem hefur lagt mikla áherslu á uppruna sinn í tónlist sinni að undaförnu vera að fagna náttúrulegu hári sínu. 

Beyoncé skartaði lengi vel sléttu hári. mbl.is/AFP

• Blogga um frétt