Ítalska tískuhúsið Prada hefur gefið það út að það ætlar að hætta að nota loðfeldi í nýrri hönnun sinni. Fyrsta línan sem inniheldur enga dýrafeldi verður vor- og sumarlína tískuhússins á næsta ári.
Mikil pressa hefur verið á stóru tískuhúsin að hætta að nota loðfeldi í hönnun sinni. Prada er allls ekki fyrsta tískuhúsið sem tekur þessa stefnu. Áður hafa merki eins og Burberry, Versace og Gucci tilkynnt að hætt verði að nota loðfeldi.