Sænska verslunin COS verður opnuð kl. 12 á Hafnartorgi í miðbæ Reykjavíkur en íslenskar tískuskvísur hafa beðið eftir þessari verslun í mörg ár. Smartland hefur jafnvel heyrt af konum sem hafa farið úr landi gagngert til þess að komast í góssið frá COS en það verður ekki farið nánar út í það hér. 

COS er í eigu H&M en fyrirtækið rekur einnig Weekday og Monki svo einhverjar verslanir séu nefndar en þessar tvær síðarnefndu voru opnaðar í gær í Smáralind. 

Einfaldleikinn hefur ráðið ríkjum hjá COS en töluvert er lagt í góð efni og snið. Fötin eru örlítið dýrari en fatnaðurinn í H&M og hentar vel fyrir hina útivinnandi mömmu sem hefur lítinn tíma til að raða saman fötum á morgnana eða vera alltaf með straujárnið á lofti, en vill á sama tíma vera smart. 

Samfestingarnir frá COS, skyrturnar og kjólarnir hafa náð miklum vinsældum enda eru sniðin klassísk og ekki of lituð af ráðandi tískustraumum. 

Frétt af mbl.is

Svona er sumartíska Weekday

Frétt af mbl.is

Mikið um dýrðir á opnun Monki

Á dögunum var verslunin GK opnuð á Hafnartorgi og svo er þar einnig H&M og H&M Home auk Collections sem er glæsileg merkjavöruverslun sem selur föt frá Anine Bing, Ralph Lauren og Sand svo einhver merki séu nefnd. 

Frétt af mbl.is

Svava Johansen bauð í fantaflott teiti

Tengdar fréttir

Fatastíllinn

Hver var í ósamstæðum sokkum á Alþingi?

• Þetta vilja töffarar landsins fá í sumargjöf
• Milla Ósk og Pattra klæddust eins kjólum
• 10 hugmyndir að sumargjöfum frá þér til þín
• Laufey stórglæsileg á síðum Vogue

» Fleiri tengdar fréttir

• Blogga um frétt