Tónlistarkonan Beyoncé Knowles virðist vera orðin spennt fyrir frumsýningu á endurgerð teiknimyndarinnar Konungi ljónanna, en hún skellti sér í geggjaðan ljónasamfesting á Wearable Art-galanu um helgina.
Samfestingurinn var hannaður af George Hobeika og á honum er ljón úr pallíettum. Þá er hann einnig skreyttur með fjöðrum til að tákna makka ljónsins.
Hugmyndin er ekki úr lausu lofti gripin, en Beyoncé ljáði ljónynjunni Nölu rödd sína í endurgerðinni af Konungi ljónanna. Myndin verður frumsýnd 19. júlí næstkomandi.