Hárvaran sem Cindy Crawford elskar
Setja bókamerki
Þegar ofurfyrirsætan Cindy Crawford telur upp þær fimm snyrti- og hárvörur sem hún notar hvað mest þá tökum við upp blað og blýant, enda er hún ein allra glæsilegasta kona sem við vitum um á sextugsaldri. Eða á öllum aldri.
Crawford segist þurfa að hugsa sérstaklega vel um hárið með aldrinum. „Áferðin á hárinu hefur breyst með aldrinum og ég þarf einfaldlega að veita hárinu mínu aðeins meiri ást. Ég elska hárvörurnar frá Kevin.Murphy núna og nota sjampóin og hárnæringarnar frá merkinu en þótt ég prófi vörur frá öðrum merkjum er ég alltaf með Kevin.Murphy Un.Tangled Leave-In Conditioner við höndina. Ég þurrka hárið aðeins með handklæði og spreyja þessari næringu í hárið áður en ég greiði það. Ef ég hef farið í hárblástur eða átt góðan hárdag en vakna svo daginn eftir með hárið svolítið úfið þá einfaldlega spreyja ég Un.Tangled í lófana, renni þeim í gegnum hárið og það róar allt niður. Elska þessa hárvöru, takk Kevin,“ segir Crawford.
Luxury Palette-augnskuggapallettan frá Charlotte Tilbury í litnum The Sophisticate er önnur snyrtivara sem Crawford segist varla geta verið án. „Ég get farið hvert sem er með þessa augnskuggapallettu og ef ég þarf meira en þetta þá fæ ég förðunarfræðing. Þessi palletta er fullkomin bæði í dag- og kvöldförðun. Ef maður er á hraðferð er hægt að nota hana í augabrúnirnar eða jafnvel í rót hársins ef hún er orðin áberandi,“ stingur Crawford upp á.
Í augabrúnirnar segist Crawford nota Perfect Brow Pencil frá Anastasia Beverly Hills í litnum Soft Brown en hún segist vera hrifin af litaúrvali Anastasia Beverly Hills í augabrúnavörum þeirra.
Að lokum segist hún nota Chanel Les Beiges Healthy Glow Sheer Colour SPF 15. „Þetta er ekki beint sólarpúður en það gefur þér þetta sólkyssta útlit. Eftir að hafa sett á mig farða set ég stóran púðurbursta í púðrið og set létt yfir andlitið,“ segir Crawford.
Hér fyrir neðan má sjá myndbandið þegar Crawford talar um fimm uppáhaldssnyrtivörur sínar.
„Hvílir mikil leynd yfir þessu öllu“
„Það þarf að vinna mikinn fjölda upp“
Telur forsendur fyrir vaxtalækkun
Veiting hvalveiðileyfis ekki brot á EES-samningi
Sex hafa greinst með listeríu
Banna mengandi búnað sem leyfður er á Íslandi
Eyjafjarðarbraut lokað vegna alvarlegs umferðarslyss
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál