Snyrtivörur innblásnar af Konungi ljónanna

Förðunarfræðingurinn Sir John hefur hannað snyrtivörulínu innblásna af Konungi ljónanna í samstarfi við Luminesse og Disney. Sir John hefur farðað margar stjörnur á borð við Priyönku Copra og Kim Kardashian en er þekktastur fyrir að vera aðalförðunarfræðingur tónlistarkonunnar Beyoncé Knowles. Knowles ljáði ljónynjunni Nölu rödd sína í endurgerðinni.

Í viðtali við The Hollywood Reporter segir Sir John að hann hafi fengið innblástur fyrir línuna í safarí-ferð í Afríku. Hann segist ekki hafa þurft að horfa lengra heldur en á landslagið. Hann segir að það hafi ekki verið hamlandi að hanna línu í kringum ljón.

Brot af línunni sem Sir John hannaði. skjáskot/Instagram

„Það var í rauninni betra, því ég var ekki með einhvern ákveðinn karakter sem setti hömlur á sköpunargáfu mína. Ég þurfti ekki að hanna línu fyrir Öskubusku. Ég held líka að konur kunni að meta fegurð tignarlegra stórkatta, sama hvort það er jagúar, tígrisdýr eða blettatígur. Þau eru svo konungleg og hættuleg, en eru með kvenlega eiginleika sem ná til viðskiptavina minna, sem eru sterkar konur,“ sagði Sir John. 

• Blogga um frétt