Bronserarnir sem breyttu bransanum

Góður bronser getur frískað upp á andlitið samstundis.
Góður bronser getur frískað upp á andlitið samstundis. Chanel.

Góður bronser getur gert kraftaverk til að fríska upp á ásýndina. Bronserar hafa þróast gífurlega í gegnum tíðina, ýmsar áferðir hafa litið dagsins ljós og sumar formúlurnar farnar að státa af húðbætandi innihaldsefnum. Þeir sem tileinka sér vegan og/eða náttúrulegan lífsstíl hafa líka mun meira úrval í dag af bronserum en fyrir einungis nokkrum árum síðan. Hér eru nokkrir af bestu bronserunum sem breyttu förðunarbransanum.

BareMinerals BareSkin Sheer Sun Serum Bronzer
Léttur og fljótandi bronser sem er einnig nærandi fyrir húðina. Þessa formúlu má nota á margan hátt, t.d. eina og sér, út í dagkrem, út í sólarvörn, yfir farða og svona mætti lengi telja. Serum Bronzer er fisléttur á húðinni og er ótrúlega náttúrulegur svo margir þekktir förðunarfræðingar hafa sagt þennan bronser ávallt verða að vera í snyrtiveskinu.

BareMinerals BareSkin Sheer Sun Serum Bronzer.
BareMinerals BareSkin Sheer Sun Serum Bronzer.

Chanel Les Beiges Healthy Glow Sheer Colour SPF 15
Fágun og tilgerðarleysi einkennir Les Beiges-púðrið frá Chanel en það kemur í sex litatónum og formúlunni er ætlað að framkalla mjúkan fókus og léttan ljóma á húðinni. Hægt er að fá púðrið í ljósum lit til að nota yfir farða eða í dekkri tónum svo hægt er að nota það sem sólarpúður. Síðan þetta púður kom á markað hefur það ávallt notið mikilla vinsælda.

Chanel Les Beiges Healthy Glow Sheer Colour SPF 15
Chanel Les Beiges Healthy Glow Sheer Colour SPF 15

Anastasia Beverly Hills Powder Bronzer
Sólarpúðrið frá Anastasia er vegan en það kom hvorki með látum né loforðum á snyrtivörumarkað en er þó eitt það allra besta sem ég hef prófað. Það kemur í sex litatónum og er hver þeirra sérstaklega hannaður fyrir mismunandi húð- og undirtóna svo það auðveldar þér valið á lit. Púðrið er sérlega fínlegt svo það samlagast húðinni fullkomlega og endist mjög vel. Fæst í Nola.

Anastasia Beverly Hills Powder Bronzer.
Anastasia Beverly Hills Powder Bronzer.

 

Shiseido Synchro Skin Cushion Compact Bronzer
Nýjasti bronserinn frá Shiseido breytir svo sannarlega leiknum því hann kemur í „cushion“-formi og er formúlan létt og mjög rakagefandi. Í þessum umbúðum hefur sjaldan verið auðveldara að framkalla sólkysst útlit þó maður sé á ferð og flugi en með sérstakri „synchronized“-tækni Shiseido lagar þessi karamellulitaða formúlu sig að þínum húðtón. Ef það er ekki nóg þá leiðréttir þessi ofur-bronser stórar svitaholur og fínar línur með því að draga úr ásýnd þeirra og heldur húðfitu í skefjum.

Shiseido Synchro Skin Cushion Compact Bronzer.
Shiseido Synchro Skin Cushion Compact Bronzer.

Sensai Bronzing Gel
Ein söluhæsta förðunarvaran á Íslandi er bronslitaða gelið frá Sensai sem inniheldur 70% vatn en þar af leiðandi er áferðin mjög létt og frískandi. Þetta gel kemur í þremur litatónum og er tilvalið til að bera yfir andlitið til að fá léttan lit án skuldbindingarinnar sem fylgir brúnkukremi. Gelið má sömuleiðis nota á bringu, axlir eða fótleggi þegar þú vilt aukinn lit og ljóma á þeim stöðum.

Sensai Bronzing Gel.
Sensai Bronzing Gel.


 

TanOrganic Duo Bronzer
Tvískipt sólarpúður sem samanstendur af náttúrulegum innihaldsefnum en annar helmingurinn er ljómapúður. Yfirleitt er litunum blandað saman fyrir náttúrulegan lit eða púðrin notuð í sitthvoru lagi til að móta andlitið. Á alla mælikvarða er þetta eitt besta sólarpúður sem til er á markaðnum en þó sérstaklega fyrir þá sem vilja náttúrulegar eða lífrænar snyrtivörur því loksins kom á markað sólarpúður í þeim flokkum sem býr yfir eðlilegum lit og góðri endingu á húðinni. Fæst hjá Elba.is.

TanOrganic Duo Bronzer.
TanOrganic Duo Bronzer.

 

YSL Les Sahariennes Sun-Kissed Blur Perfector
Yves Saint Laurent færir okkur bronser sem einnig afmáir ásýnd svitahola og grófrar áferðar húðarinnar. Kremuð formúlan verður púðurkennd við ásetningu og fyllir þannig upp í misfellur. Þessi bronser hefur verið mjög vinsæll í myndatökur og til dæmis í brúðarfarðanir.

YSL Les Sahariennes Sun-Kissed Blur Perfector.
YSL Les Sahariennes Sun-Kissed Blur Perfector.

Lancôme Le French Glow
Lancôme hefur lengi verið þekkt fyrir sólarpúðrin sín en nú í vor kemur sérlega fallegt sólarpúður frá merkinu sem nefnist Le French Glow Liberté, Egalité, Femininité Bronzing Palette. Fjórir mismunandi litatónar eru í púðrinu og eins og þið lásuð í heitinu þá sækir vorlína Lancôme innblástur í frönsku einkunnarorðin frelsi, jafnrétti og bræðralag.

Lancôme Le French Glow.
Lancôme Le French Glow.

Shiseido Synchro Skin Cushion Compact Bronzer
Nú er kominn 

Guerlain Terracotta The Bronzing Powder.
Guerlain Terracotta The Bronzing Powder.

Guerlain Terracotta The Bronzing Powder
Það er ekki hægt að gera mistök með sólarpúðrunum frá Guerlain en þau eru líklega ein af fyrstu snyrtivöruminningum margra. Allir átta litirnir sem í boði eru virka raunverulegir á húðinni og er sólarpúðrið endingargott á húðinni og viðheldur raka hennar.

Bobbi Brown Shimmer Brick - Bronze.
Bobbi Brown Shimmer Brick - Bronze.

Bobbi Brown Shimmer Brick - Bronze
Hin goðsagnarkennda ljómapalletta Bobbi Brown er handgerð á Ítalíu og hefur í mörg ár átt fastan sess í snyrtiveskjum um heim allan. Shimmer Brick kemur í nokkrum litum en liturinn Bronze er sá sem byrjaði æðið og má nota sem ljóma- eða sólarpúður. Fimm mismunandi litatónar eru í pallettunni svo það má aðlaga litinn að þínum húðlit. Þess má geta að hin klassísku sólarpúður frá Bobbi Brown eru álíka goðsagnarkennd og þetta ljómapúður.

mbl.is