Katrín í hvítu á Wimbledon

Katrín hertogaynja af Cambridge klæddist fallegum hvítum hnepptum kjól með kraga þegar hún mætti á Wimbledon tennismótið í dag. 

Katrín er verndari mótsins og mætir því árlega á það. Hún mætti þó óvenju snemma í ár, en í dag er annar keppnisdagur mótsins sem stendur til 14. júlí. Katrín fylgdist með leik hinnar bresku Harriet Dart á keppnisvelli 14 og virtist skemmta sér vel.

Við kjólinn var hún með svart belti frá Alexander McQueen og bætti við slaufu í stíl við beltið á kragann.