Ef þú manst lengra en 10 ár aftur í tímann ættir þú að muna eftir frönskum gervinöglum. Þannig neglur hafa vikið fyrir heillituðum löngum gervinöglum, sem annað hvort eru oddhvassar eða flatar á endanum.
Því hefur eflaust einhverjum brugðið í brún þegar fyrirsætan Bella Hadid skartaði svokölluðum frönskum nöglum nýlega. Sem fyrr segir voru franskar neglur alfarið málið upp úr aldamótum og virðist Hadid ætla að koma þeim aftur í tísku.
Systir hennar, Gigi Hadid, virðist vera komin á sömu skoðun og Bella. Þá hefur tónlistarkonan Ariana Grande einnig skartað frönskum nöglum nýlega.