Sjónvarpsstjarnan Jonathan Van Ness úr Queer Eye-þáttunum er þekktur fyrir að taka tískuna með trompi. Hann mætti í svörtum klassískum hælaskóm, í svörtum bol og blúnduskikkju á MTV-verðlaunin.
Van Ness sem starfar sem stílisti og hárgreiðslumaður var með Chanel-tösku sem leit út eins og skartgripur á rauða dreglinum.
Van Ness gaf sér tíma til að heilsa upp á aðdáendur sína áður en hann gekk inn á hátíðina. Hann virtist njóta hverrar mínútu eins og ljósmyndirnar af honum sýna.