Fatahönnuðurinn Victoria Beckham setti tóninn fyrir haustið í buxnadragt þegar hún mætti á verðlaunahátíð GQ í vikunni með eiginmanni sínum David Beckham og elsta syni þeirra Brooklyn. Feðgarnir voru í svörtum jakkafötum en frú Beckham var langflottust í hvítri buxnadragt. 

Buxnadragtir hafa verið vinsælar undanfarin misseri og verða það greinilega áfram. Ermarnar á jakka Victoriu Beckham voru langar og buxurnar það síðar að skálmarnar náðu vel yfir skóna. Síðar útvíðar buxur hafa einmitt verið í tísku og ef þú vilt fylgja sömu tísku og Victoria Beckham ættirðu ekki að velja þér buxur sem enda við ökkla, sama hversu fallegt skósafn þú átt. 

Hvíta dragtin er að sjálfsögðu úr smiðju Victoriu Beckham, úr svokallaðri „resort“-línu hennar fyrir árið 2020. Samkvæmt Hello er dragtin uppseld en kostaði 1.450 pund eða um 225 þúsund krónur. 

Tengdar fréttir

Fatastíllinn

Hver var í ósamstæðum sokkum á Alþingi?

• Þetta vilja töffarar landsins fá í sumargjöf
• Milla Ósk og Pattra klæddust eins kjólum
• 10 hugmyndir að sumargjöfum frá þér til þín
• Laufey stórglæsileg á síðum Vogue

» Fleiri tengdar fréttir

• Blogga um frétt