Leikkonan Zendaya mætti í fallegum gráum jakkafötum frá Berluti í veislu á tískuvikunni í New York um helgina. Leikkonan er ekki fyrsta stjarnan sem hefur klæðst jakkafötunum á rauða dreglinum en í febrúar var það maður sem klæddist eins jakkafötum frá Berluti.
Það var leikarinn Michael B. Jordan sem klæddist eins jakkafötum í óskarsverðlaunafögnuði Vanity Fair í febrúar. Jakkafötin fara greinilega konum ekkert síður en körlum.
Mikil umræða skapaðist á netinu um hvort þeirra hefði nú litið betur út. Stílisti Zendayu, Law Roach, stóðst ekki einu sinni mátið og birti samsetta mynd af stjörnunum og spurði hvort hefði litið betur út. Jordan tók þátt í umræðunni á annarri instagramsíðu og fékk leikkonan hans atkvæði. „Engin samkeppni,“ sagði Jordan meðal annars.