Tískuvikan í New York er í fullum gangi þar sem fatahönnuðir sýna vor- og sumarlínu sína fyrir næsta ár. Í stað þess að skoða tískupallana er ekki síður skemmtilegt að líta á klæðnað gestanna á tískuvikunni. Ljósmyndarar AFP eru á staðnum og tók Smartland saman best klæddu gestina það sem af er en tískuvikunni lýkur um helgina.

Haustið er aðeins hlýrra í New York en Reykjavík en margir gesta tískuvikunnar mættu þó í síðermafötum, síðbuxum og síðum kjólum eða háum sokkum. Litirnir eru að minnsta kosti ekki á undanhaldi og fáir sem kjósa svart á tískuvikunni í september.