Katrín var mætt í buxum og skyrtu, en hún klæðist vanalega kjólum, pilsum og kápum við svipuð tilefni. Það er sjaldséð að sjá hana í buxum og er það frekar Meghan sem klæðir sig þannig. Einnig er erfitt að hunsa þá staðreynd hversu stutt er síðan fatalína Meghan kom út og er klæðnaður Katrínar mikið í sama stíl og línan.

Það er erfitt að álíta að klæðnaðurinn við þetta tilefni sé tilviljun, en konunglegur klæðnaður er iðulega skipulagður af mikilli nákvæmni, eftir því hvert tilefnið er og eftir því hverjar aðstæðurnar eru. Fataval Katrínar er því auðveldlega hægt að túlka sem ákveðna samstöðu með mágkonu sinni sem hefur fengið talsvert slæma umfjöllun og gagnrýni síðan hún giftist inn í konungsfjölskylduna.

Lengi vel var talið að ekki væri gott á milli hertogaynjanna, sem þróaðist út í að sambandið væri slæmt milli eiginmanna þeirra, prinsanna Harry og Vilhjálms. Það hefur átt sér stað augljós framför í sambandi hertogahjónanna undanfarið ár eftir að þau byrjuðu að vinna minna saman sem og fluttu í sitthvorn bæinn. Einnig er talið að samband þeirra hafi styrkst talsvert eftir að Harry og Meghan urðu foreldrar. Getur fataval Katrínar í dag stutt þá kenningu og sýnt að sambandið er að batna.

Heimsóknin í dag er hluti af verkefni Katrínar um að styðja við verkefni og starfsemi sem huga að þroska ungra barna. Verkefnið hennar kallast ‘Yngri árin’ (e. Early Years) og er eitt af þeim verkefnum sem Katrín styður hvað helst. Er það hluti af verkefni Katrínar að fræða fólk um hvað er hægt er að gera til að hlúa að ungum börnum til að styrkja andlegri heilsu þeirra í framtíðinni.

Katrín fullkomnaði útlitið með skóm frá hönnuðinum Gianvoti Rossi, en þeir eru með þykkari hæl en hún er vanalega í. Skemmtilegt er að segja frá því að þó að skórnir sem hertogaynjan var í í dag kosti um 80 þúsund íslenskar krónur (520 pund), þá er þessa dagana hægt að finna svipaða skó í verslunum H&M ef áhugi er fyrir að stela stílnum.

Þessi klæðaburður þykir dálítið í anda Markle. mbl.is/AFP

Hertogaynjan af Sussex er oft í skyrtum við buxur. mbl.is/AFP

mbl.is/AFP

Myndband frá deginum í dag: