Íslenska leikkonan Hera Hilmarsdóttir geislaði á frumsýningu þáttanna See í Los Angeles í Bandaríkjunum í gærkvöldi. Þættirnir koma úr smiðju Apple og verða aðgengilegir á streymisveitunni Apple Tv sem opnar 1. nóvember.
Hera klæddist fagurrauðum kjól með klauf og var í hvítum hælaskóm við. Hún var í fríðu föruneyti á rauða dreglinum en með henni í þáttunum leika Jason Momoa, Alfre Woodard Nesta Cooper, Archie Madekwe, Yadira Guevara-Prip, Sylvia Hoeks og Christian Camargo.