Hátíðalína snyrtivörumerkisins YSL iðar af þokka og glæsileika. Umbúðirnar eru einstakar en þær eru skreyttar glimmerstjörnum. Línan heitir Shine on collection, en þar er að finna vinsælustu vörur merkisins í safnútgáfum.

Touche Éclat-ljómapenninn er þar á meðal, en hann jafnar litarhátt, gefur fallegan ljóma, grynnkar línur og opnar augnsvæðið. Hann má einnig nota til að draga fram kinnbein og ramma inn varirnar.

Rouge Pur Couture, vinsælustu satínvaralitirnir frá YSL, eru líka í línunni en þeir koma í fjórum nýjum litum sem fást eingöngu fyrir jólin.

Þeir fást því núna allt frá hátíðarrauðum út í djúpa plómuliti.

Síðast en ekki síst kemur Black Opium-ilmurinn í fallegu stjörnuskreyttu glasi sem einungis fæst fyrir jólin. Þetta er vinsælasti dömuilmur YSL og inniheldur einstaka blöndu af svörtu kaffi, vanillu og hvítum blómum.