Desembermánuður er einn af þeim mánuðum þar sem fólk byrjar að skreyta í kringum sig og taka húsakynni fólks vanalega stakkaskiptum á nokkrum vikum. 

Fyrir þá sem hafa í mörgu að snúast gleymist stundum að setja aðalkonuna í fyrsta sætið. Konuna á heimilinu. Að klæða sig upp á í jólalegan kjól eða sparifötin getur tekið á taugarnar. Sér í lagi þegar konur vilja skarta sínu allra fallegasta yfir hátíðina en hafa ekki tíma til að fara í búðir og finna sér réttu hlutina.

Það er aldrei hægt að vera í of glitrandi fatnaði á þessum tíma. Eins þarf ekki að kosta mikla fyrirhöfn að finna hluti sem gera útlitið heillandi og áberandi.

Glitrandi naglalökk, skór, kjólar og jafnvel varalitir eru dásamleg viðbót við klassíska hluti sem finna má í mörgum fataskápum.