Jólagjöfin frá mér til mín
Setja bókamerki
Tengdar fréttir
Snyrtipenninn
Stundum er óvíst að maður fái það sem maður óskar sér í jólagjöf. Þá tekur maður málin einfaldlega í sínar eigin hendur. Dekraðu við sjálfa þig, þú átt það skilið.
Droparnir sem allir eru að tala um frá SkinCeuticals
Þegar SkinCeuticals kom á markað með C E Ferulic-dropana er óhætt að segja að ekkert varð samt aftur. Þetta var byrjunin á sigurgöngu C-vítamíns í húðumhirðu og segja sérfræðingar að ekkert annað jafnist á við þessa einkaleyfisvörðu formúlu. C E Ferulic-droparnir hafa öflug andoxandi áhrif á húðina, jafna litamisfellur og auka ljóma hennar.
Dekurstund með Angan
Íslenska húðvörumerkið Angan setti saman pakka sem nefnist Goddess Spa Ritual með öllu því sem þú þarft til að draga fram gyðjuna innra með þér. Í pakkanum er orkugefandi baðsalt með íslensku birki, rakagefandi og stinnandi líkamsolía, saltskrúbbur með fjallagrösum og hvít salvía til að hreinsa orkuna í kringum þig.
Möntruband með hvetjandi áminningu
Í Systrasamlaginu fást einstaklega falleg möntrubönd sem búa yfir mismunandi hvetjandi áminningum í amstri dagsins. Þau eru hönnuð af ást og umhyggju ungra hönnuða í Los Angeles og má móta þau að úlnlið hvers og eins. Möntruböndin eru laus við ofnæmisvalda og eru húðuð 18 karata gulli.
Fallegri húð með BIOEFFECT
Það er sama við hvern talað er, allir sem prófað hafa BIOEFFECT 30 Day Treatment segjast hafa séð fínar línur og hrukkur andlitsins minnka töluvert með notkuninni. BIOEFFECT Infinite Beauty-gjafasettið inniheldur þessa byltingarkenndu húðmeðferð en formúlan býr yfir þremur ólíkum frumuvökum. Jafnframt er í gjafasettinu BIOEFFECT OSA Water Mist en þetta sprey veitir húðinni nauðsynlegan raka og hámarkar áhrif 30 Day Treatment-húðmeðferðarinnar.
Ferskur ilmur frá Guerlain
Aqua Allegoria-ilmvötnin frá Guerlain byggja á himneskum ferskleika og er óhætt að segja að Bergamote Calabria sé eitt af bestu ilmvötnum línunnar. Í þessu setti er svo ómótstæðileg lítil útgáfa af ilmvatninu sem hægt er að stilla upp sem skrauti eða til að ferðast með.
Endurlífgaðu þurra hárið með Kevin.Murphy
Ástralska hárvörumerkið Kevin.Murphy er þekkt fyrir exótísk innihaldsefni sín og hafa vörurnar verið að fá aukna athygli hér á landi. Þetta sett er sérstaklega fyrir þurrt hár en ásamt sjampóinu og næringunni má finna í gjafakassanum næringarsprey sem ofurfyrirsætan Cindy Crawford er mjög hrifin af.
Hrein naglalökk frá Nailberry
Nailberry L’Oxygéné eru einstök naglalökk sem búa yfir „12-free” formúlu. Þau eru því án skaðlegra efna, eru vegan og ekki prófuð á dýrum. Sérstaða Nailberry er einnig sú staðreynd að þau hleypa súrefni og raka í gegnum sig að nöglinni svo þú fórnar ekki heilbrigði naglanna þótt þú notir naglalakk. Í boði eru fjöldi lita ásamt öðru sem tilheyrir góðri og heilbrigðri naglaumhirðu.
Einstakur handáburður frá Skin Regimen
Skin Regimen Hand Cream er líklega einn sérstæðasti handáburðurinn á markaðnum í dag. Hér blandast saman háþróuð vísindi og það besta úr náttúrunni. Ilmurinn af handáburðinum er unninn úr hreinum ilmkjarnaolíum sem hafa róandi áhrif og í formúlunni sérvalin innihaldsefni sem vinna gegn bólgum. Hendurnar verða silkimjúkar.
Besta tvennan frá Guerlain
Maskari og sólarpúður kemur manni ansi langt þegar á reynir og því er það frábær hugmynd af setja þetta saman í öskju. My Beauty Set inniheldur Terracotta Bronzing Powder og Cils d’Enfer So Volume-maskarann en báðar vörurnar eru á meðal þeirra bestu í bransanum.
Margnota hreinsiklútar frá Face Halo
Face Halo hefur verið áberandi í snyrtiheiminum en þetta eru margnota klútar sem taka farða af með einungis vatni. Þetta er sérlega hentugt og sparar bómullarskífur og blautklúta svo þú verður aðeins umhverfisvænni í leiðinni.
Þrjár ofurvörur fyrir húðina frá The Ordinary
The Ordinary hefur líklega ekki farið fram hjá neinum en það mætti segja að þetta séu húðvörur fyrir sjálflærða efnafræðinga. The No-Brainer Set frá The Ordinary inniheldur rakakrem, serum og sérstaka formúlu gegn hrukkum og er þetta frábær leið til að kynnast merkinu.
Kvenlegur ilmur frá Jean Paul Gaultier
La Belle frá Jean Paul Gaultier stöðvar þig í sporunum áður en þú finnur ilminn þar sem ilmvatnsglasið sjálft er sérlega heillandi. Austurlenskur vanilluilmurinn liggur á arómatískum grunni og er óhætt að segja að þessi ilmur sannarlega kalli fram kvenleika og kynþokka.
Tengdar fréttir
Snyrtipenninn
Almannavarnir auka viðbúnað
Færa slökkviliðið til nútímans
Mikilvægt að vera á tánum
Mun fara sparlega með málskotsréttinn
Sárt að horfa upp á illa meðferð fjármuna
Ný staða uppi og óvissan meiri
Hafa „ágætis tíma“ til úrbóta
Hæstiréttur staðfestir vanhæfi alls Landsréttar
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál