Tískuhönnuðurinn Victoria Beckham var gestur Ellen DeGeneres á dögunum þar sem hún viðurkennir að hún skilur ekki tvö tískutrend. Það eru magabolir og jakkar sem hanga neðarlega á bakinu.
DeGeneres spurði Beckham hvaða trend það væru sem rugluðu hana í ríminu. „Magabolir. Ég hef tekið eftir fullt af fólki í magabolum undanfarið,“ sagði Beckham.
„Bíddu, það er reyndar annað. Þegar fólk lætur jakkann hvíla aftan við sig á höndunum. Veistu hvað ég á við? Fólk vill líta út eins og því sé alveg sama.“
DeGeneres tók undir með Beckham og sagði að henni þætti þetta jakkatrend einnig mjög ruglandi. „Vertu bara í jakkanum eða ekki,“ sagði DeGeneres.
Frú Beckham þykir einstaklega smart kona og er iðulega klædd í fallegar dragtir sem einkenna tískulínur hennar.