Flottustu kjólar ársins 2019

Árið hefst iðulega á því sem við köllum á ensku „award season“ eða verðlaunahátíðatímabil. Á þessu tímabili eru flestar verðlaunahátíðir ársins haldnar og þá eru ekki bara verðlaunahafar sem fanga augað heldur líka kjólarnir. 

Á vormánuðum er svo Met-Galakvöldið þar sem skrautlegir búningar stjarnanna eru í forgrunni. Á sumrin eru minni verðlaunahátíðir en oft eitthvað litríkt sem fangar augað þá. Haustið er ekki mjög gjöfult, að undanskildum tískuvikunum. Emmy-verðlaunahátíðin sem haldin er á haustmánuðum lokar árinu hvað varðar rauða dregla. 

Þetta árið stóðu margir kjólar upp úr. Hæst ber kannski klæðnað þeirra Kardashian-Jenner-systra á Met-Galakvöldinu en þær Kim, Kylie og Kendall voru allar óaðfinnanlegar. 

Lady Gaga átti líka frábært kjólaár en hún mætti á hverja verðlaunahátíðina á fætur annarri í gullfallegum kjólum og toppaði sig alveg á Met Gala um vorið.

Þessir kjólar eru flottustu kjólar ársins að mati Smartlands.