Nigella dáist að ómáluðum konum

Hin 59 ára gamla Nigella Lawson er þekkt fyrir að líta vel út. Leyndarmál sjónvarpskokksins er einfalt: bara nógu mikill farði. Lawson segist ekki hafa nógu mikið sjálfstraust til þess að vera óförðuð. 

„Það þarf hugrakkari og öruggari manneskju en mig til að segja: Ekki farða mig og ekki greiða á mér hárið,“ sagði Lawson nýlega í viðtali við OK! að því er fram kemur á vef Daily Mail. „Ég dáist að fólki sem er þannig. Fyrir mér er þetta brynja.“

Það kemur aðdáendum Nigellu líklega ekki á óvart en góður maskari sem lengir augnhárin er uppáhaldssnyrtivara hennar. 

Frétt af mbl.is

Hvað kom fyrir Nigellu?

Lawson er þó ekki bara þekkt fyrir að vera vel máluð og með vel blásið hár. Hún er einnig í góðu formi og borðar líklega ekki allt sem hún eldar þrátt fyrir að halda því fram að hún hafi aldrei farið í megrun. 

Nigella Lawson. AFP

• Blogga um frétt