Stjörnurförðunarfræðingurinn Sir John er meðal annars þekktur fyrir að farða tónlistarkonuna Beyoncé. Hann er með allt sem viðkemur förðun á hreinu og segir í nýju viðtali á vef Daily Mail að falleg húð verði áberandi á nýju ári. 

Sir John segir að fyrst og fremst verði frískleg og falleg húð áberandi árið 2020. Leggur hann áherslu á rakagefandi farða og tæknilegar vörur sem koma í veg fyrir að sviti sjáist á andlitinu.

Hann segir að vörur sem fólk geti leikið sér með verði einnig áberandi og þegar kemur að kinnalit verði litirnir ekki jafn áberandi og áður. Hann leggur áherslu á að fólk leiki sér með snyrtivörur og noti þær á nýstárlegan hátt. 

Hvað varðar tískustrauma verður tíundi áratugurinn enn áberandi á næsta ári. Hann spáir því þó að fólk eigi eftir að sækja innblástur til áttunda áratugarins í auknum mæli. Horfir hann þá til sköpunargleðinnar hvort sem það eru hlýir tónar í augnskuggum eða pastel-litir á óvæntum stöðum. Hann spáir því jafnvel að fólk muni nota litríka límmiða á andlitið í auknum mæli. Sakleysisleg augnmálning kemur einnig sterk inn. 

Að mati förðunarfræðingsins munu stjörnur á borð við Beyoncé, Rihönnu, Adriönu Grande og Jennifer Lopez veita innblástur. Hann viðurkennir þó að svokallaðir áhrifavaldar muni einnig hafa töluverð áhrif. 

Rihanna mun hafa árif á tískustrauma í snyrtivöruheiminum á nýju ári. AFP

Tengdar fréttir

Snyrtibuddan

10 hugmyndir að sumargjöfum frá þér til þín

• „Ég er alltaf með neglur á mér og hef verið síðan í 10. bekk“
• Pernille Teisbæk uppljóstrar leyndarmálinu
• 10 hlutir sem eru ómissandi fyrir árshátíðina
• Svona gerir þú rodeó-förðun í anda Bellu Hadid

» Fleiri tengdar fréttir

• Blogga um frétt