Svarthvítt sumar í klaustri hjá Chanel

Franska tískuhúsið Chanel sýndi hátískulínu sína fyrir vor og sumarið 2020 í Grand Palais-höllinni í París á þriðjudag. Virginie Viard, listrænn stjórnandi Chanel, hélt aftur að sér þegar kom að litum. 

Fólk bíður ekki bara eftir að sjá fallegan fatnað á sýningum Chanel þar sem ævinlega er búið að umbreyta höllinni sem tískusýningarnar fara fram á ævintýralegan hátt. Nú átti garðurinn að líta út eins og klaustursgarður. Garðurinn minnir á æskuslóðir Coco Chanel en hún ólst upp á munaðarleysingjahæli í nunnuklaustri eftir að móðir hennar lést. 

Þrátt fyrir að um sumarlínu var að ræða voru svartur og hvítur í aðalhlutverki. Gráir tónar fengu að fljóta með sem og nokkrir pastellitir. Íslenskar konur eru þekktar fyrir að klæðast svörtu og geta því líklega byrjað að hlakkað til að þurfa ekki að draga fram bjarta liti til þess að tolla í tískunni í vor og sumar.