Ef þú ert ein/einn af þeim sem elska Kentucky Fried Chicken kjúkling og nýjustu tískustraumana mun vorið 2020 vera tíminn fyrir þig. Djúpsteikta tískusveiflan er það allra nýjasta í heimi tískunnar og þykja Crocks-skórnir sem eru hannaðir undir áhrifum frá KFC girnilegir með alls konar fatnaði.
Sitt sýnist hverjum um þessa tísku og er fólk annaðhvort að elska KFC-skóna eða hata. Þar sem Íslendingar eru mikið fyrir djúpsteiktan kjúkling er aldrei að vita nema þeir fari að spóka sig um í Nauthólsvík í herlegheitunum næsta sumar.
Talið er að skórnir verði einstaklega vinsælir í Asíu og að skórnir muni ilma af brakandi djúpsteiktum kjúklingi.