Instagram-myndirnar gefa ekki raunsanna mynd

Myndir á samfélagsmiðlum sýna ekki alltaf raunsanna mynd af fólki. Algengt er að stórstjörnur og áhrifavaldar ritskoði sig mjög vel á samfélagsmiðlum. Reglulega birtast myndir af stjörnum á Instagram-reikningnum Celeb Before After. Eru þar myndir sem stjörnurnar birta sjálfar bornar saman við myndir sem aðrir hafa tekið. 

Er markmið Instagram-reikningsins ekki að smána annað fólk. Er fekar verið að benda á að þessar stjörnur eru bara venjulegar konur með appelsínuhúð þrátt fyrir hina fullkomnu ímynd.

Söngkonan Beyoncé kemur nokkuð oft við sögu en hún er dugleg að birta af sér myndir á samfélagsmiðlum og mætir ekki endilega á rauða dregilinn þar sem ókunnugir ljósmyndarar hafa tækifæri til að mynda hana. Eru myndir af Beyoncé gott dæmi um hvernig stjörnur annaðhvort breyta myndum af sér, velja langbestu myndinar eða velja bestu stellinguna. 

Það kemur kannski ekki á óvart en raunveruleikastjarnan Kim Kardashian og systur hennar hafa einnig verið teknar fyrir á síðunni. Stundum segja myndir einfaldlega meira en mörg orð. 

• Blogga um frétt