Hin breska Courtney Henderson vissi ekki hvaðan á sig stóð veðrið þegar hún mátaði kjól sem hún hafði pantað á netinu.
Kjóllinn var grænn og fallegur og opinn á rifbeinunum. Á fyrirsætunni á vefsíðunni passaði kjóllinn vel og var einstaklega flottur. Þegar Henderson var komin í kjólinn var hins vegar eitt vandamál, brjóstin á henni komu út um götin sem áttu að vera á rifbeinunum.
Henderson hafði pantað kjólinn af Dressmezee fyrir afmælið sitt og var því frekar leið að geta ekki með nokkru móti klæðst honum. Henni þótti þetta þó of fyndið til að deila ekki á samfélagsmiðlum.