„No makeup makeup“ er það heitasta núna og fram á vor og sumar þar sem konur vilja nota förðunarvörur en samt ekki að það sjáist á húðinni. Sigurlín Ósk Hrafnsdóttur, förðunarfræðingur hjá Urban Decay, kennir réttu trixin til þess að ná fram þessum náttúrulegu áhrifum.
Nýr farðagrunnur frá Urban Decay var að koma á markað sem gefur aukinn ljóma, jafnar yfirborð húðarinnar og eykur raka í húðinni allan daginn.
„Mér finnst æðislegt að blanda dropa af farðagrunninum við dropa af farðanum mínum þegar ég vil extra létta og rakakennda áferð en fyrir meiri þekju ber ég grunninn yfir allt andlitið áður en ég dreifi farðanum yfir það,“ segir Sigurlín Ósk.
Urban Decay kom nýlega með farðalínu á markaðinn; Stay Naked, sem inniheldur rakagefandi og nærandi eiginleika.
Farðinn er góður að því leytinu til að hann er með 100% súrefnisflæði til og frá húðinni svo okkur líður eins og við séum ekki með neitt á okkur.
„Hyljarinn í sömu línu hefur sömu eiginleika og dagsdaglega nota ég jafnvel bara primerinn yfir allt andlitið og hyljarann á áherslusvæði andlits.
Til að toppa létta förðun finnst mér alltaf fallegt að setja smá sólarpúður og kinnalit til að ná fram ferskleikanum. Mitt uppáhald þessa stundina er 3 in 1-palletta sem inniheldur kinnalit, sólarpúður og highlighter. Þessu blanda ég öllu létt saman í stóran, mjúkan bursta og dreifi yfir andlitið í þrist. Það er að segja frá hársrót fyrir ofan augabrúnir, niður á kinnbein og loks niður á kjálka.
Til að förðunin endist eins og ósnert yfir daginn er lokaskrefið hjá mér alltaf All Nighter Setting Spray sem gefur förðuninni allt að 16 tíma aukaendingu,“ segir hún.