Þórdís Kjartansdóttir, lýtalæknir á Dea Medica, svarar spurningum lesenda Smartlands. Hér fær hún spurningu frá konu sem er með stíflaðan tárakirtil og leitar ráða.
Sæl Þórdís.
Ég er með vörtu/stíflaðan tárakirtil við vinstra augað. Hvernig er hægt að fjarlægja þetta, með skurði eða leysiaðferð?
Kær kveðja,
BHH
Sæl og takk fyrir spurninguna.
Ef táragöngin eru stífluð ráðlegg ég þér að fá tíma hjá augnlækni. Ef fyrirferðin er í augnkróknum getur þetta verið stífla þar. Táragöngin flytja tárvökva niður í nefhol. Ef þau stíflast er mikil hætta á bakteríusýkingu. Ef þetta er varta geturðu leitað til lýtalæknis til þess að láta fjarlægja hana með lítilli skurðaðgerð í staðdeyfingu.
Gangi þér vel og með bestu kveðjum,
Þórdís Kjartansdóttir lýtalæknir.
Liggur þér eitthvað á hjarta? Þú getur sent Þórdísi spurningu HÉR.