Smartland Mörtu Maríu | Tíska | mbl | 2.4.2020 | 16:52 | Uppfært 6.4.2020 13:57

Yngdu þig upp á meðan þú sefur

Er húðin á þér í steik eftir alla inniveruna og viltu nota tímann til að fríska hana við? Ef svo er þá er komin splunkuný lína frá YSL, Pure Shots, sem hugsar út í þarfir nútímafólks.

Teymi sérfræðinga var dregið á flot til þess að búa til þessa línu en í hópnum eru líffræðingar, umhverfisfræðingar, húðlæknar og grasafræðingar svo einhverjir séu nefndir. Þessir sérfræðingar voru fengnir til að rannsaka áhrif nútímalífsstíls og umhverfisáhrifa á húðina og byggist nýja línan á þessari vinnu.

En hvað er það í lífi nútímafólks sem hefur svona mikil áhrif á húðina? Jú, það er umhverfið, of mikil vinna, óreglulegur vinnutími sem leiðir til meiri streitu og of lítill svefn svo eitthvað sé nefnt. Þessi atriði auka líkur á ótímabærri öldrun húðarinnar.

Í línunni er dagkrem, næturserum, dagserum og fleira sem yngja húðina upp.

Orkuskot um nótt

Álagið og kröfurnar sem fylgja nútímalífsstíl hafa áhrif á starfsemi húðarinnar. Það veldur því að hún hættir að starfa eðlilega og frumuendurnýjun minnkar.

Stjörnuvara Pure Shots-línunnar, Night Reboot-serumið, er sérstaklega þróað með þetta vandamál í huga og byggist á einstakri samvinnu náttúru og vísinda. Gróf eða ójöfn húð verður mýkri, sléttari og áferðin fallegri. Night Reboot-serumið fjarlægir dauðar húðfrumur, örvar frumuendurnýjun og verndar nýjar frumur. Serumið inniheldur 3,4% glycolicsýru sem slípar yfirborð húðar og hefur endurnýjandi eiginleika ásamt náttúrulegu innihaldsefni, Moonlight kaktus Flower, sem kemst dýpra niður í húðlögin og hefur viðgerðar- og verndandi eiginleika. Það má því segja að húðin dragi strax úr þreytumerkjum.

Náttúruleg innihaldsefni eru fengin úr YSL Beauty Ourika garden í Marokkó þar sem þau eru rannsökuð og valin út frá sérstökum eiginleikum. Kalt og hægt vinnsluferli varðveitir innhaldsefnin og leyðir til minni notkunar á orku og vatni sem skilar hinu fullkomna jafnvægi.

Umbúðirnar á Pure Shots línunni frá YSL eru fallegar.

Nóttin gegnir lykilhlutverki

Máttur næturinnar var innblástur þessarar nýju línu þar sem nóttin gegnir lykilhlutverki í lífinu. Herra Saint Laurent var sannkallaður nátthrafn og næturlífið lék stórt hlutverk í hans lífi. Það er tíminn þar sem hægt er að fá næði frá amstri dagsins og það er einnig tíminn þar sem sjaldgæfur kaktus blómstrar einu sinni á ári yfir eina nótt. Lífsvökvi þessa blóms er notaður í formúlu þessa einstaka næturserums.

Pure Shots-línan er ekki eingöngu tækifæri fyrir konur að lifa þeim lífsstíl sem þær kjósa án þess að það komi niður á húðinni heldur hefur Ourika-garður YSL Beauty skapað tækifæri fyrir samfélag kvenna sem sér nú um og ræktar landsvæði sem ekki var nýtt áður. Þannig hafa skapast störf og atvinna fyrir enn fleiri konur.