Anna Wintour, ritstjóri tískutímaritsins Vogue og ein áhrifamesta kona heims, vakti athygli á dögunum þegar hún birti mynd af sér á Instagram í rauðum joggingbuxum.
Wintour er ævinlega vel til fara og veit nákvæmlega hvað er í tísku hverju sinni, enda ritstjóri stærsta tímarits í heimi. Buxurnar vöktu ekki síst athygli þar sem Wintour hefur áður sagt í viðtali að hún klæddist aldrei joggingfötum.
Hinn óformlegi klæðaburður ritstjórans var í takt við tilkynninguna sem fylgdi myndinni en Vogue stendur fyrir fjögurra daga viðburði á fjarfundarforritinu Zoom þar sem rætt verður um framtíð tískunnar og hvað framtíðin ber í skauti sér.