Sumardagurinn fyrsti markar alltaf ákveðin tímamót. Framundan er sumar og sól og léttari lund og möguleg losun á samkomubanni. Í tilefni af sumardeginum fyrsta ætlar snyrtivöruheildsalan Terma, sem flytur inn vörur frá merkjum á borð við Lancôme, Yves Saint Laurent og Urban Decay, að efna til sumaráskorunnar. Í þessari áskorun getur þú unnið glæsilegan förðunarpakka.  

Förðunarfræðingar snyrtivöruheildsölunnar Terma tóku sig saman og völdu sínar uppáhalds förðunarvörur fyrir sumarið.

„Allar voru stelpurnar sammála um að húðin spilar lykilhlutverk þegar sólin fer að skína. Við ættum öll að fagna lit og ferskleika húðarinnar á sumrin og því er gott að nota rakagefandi undirfarða sem dregur fram náttúrulegan ljóma húðarinnar. Einn af okkar uppáhalds er frá Lancôme, Prep and Hydrate, sem gengur inn í húðina eins og skot og má jafnvel nota einan og sér. Til að jafna húðlitinn og yfirborð húðarinnar er gott að vera með BB krem eða léttan ljómafarða eins og til dæmis Touche Éclat All in One Glow frá YSL sem hefur verið einn vinsælasti farðinn okkar frá því að hann kom á markað,“ segir Ástrós Sigurðardóttir förðunarfræðingur hjá Terma. 

Hún segir að Touche Éclat töfrapenninn sé fullkominn til að draga úr þreytumerkjum og bláma eða gráma í kringum augun án þess að nokkuð sjáist á húðinni. Hann má einnig nota yfir allt andlitið fyrir enn meiri ljóma og ferskleika.

„Bjartir litir taka nú við af mildum og hlutlausum þar sem áherslan er á bleika, rauðleita og kóraltóna. Við förum mikið eftir „less is more“ mottóinu og elskum því að nota 2-3 vörur í lúkkin okkar. Það má til dæmis nota augnskuggapallettur í augnförðunina og sem kinnalit og þar er Cherry pallettan frá Urban Decay tilvalin. Hún inniheldur bleika og rauða tóna sem auðveldlega má nota sem kinnaliti líka. Við notum dekkstu tónana í pallettunni til að gera smoked eyelinerlínu og toppum augnförðunina með vatnsheldum maskara sem endist allan daginn ... og nóttina. Monsieur BIG frá Lancôme gerir allt sem gera þarf,“ segir hún. 

Monsieur BIG frá Lancôme.

Ástrós segir að mildar, náttúrulegar og úfnar augabrúnir toppi förðunina í dag. 

„Léttur túss og/eða blýantur með augabrúnageli nær langt og ættu að henta öllum! Brow Blade og Brow gel frá Urban Decay eru það allra besta sem margar okkar hafa prófað þar sem formúlan endist í allt að 24 klukkustundir og er alveg vatnsheld.“

Þegar talið berst að vörunum sjálfum segir Ástrós að glansandi varir verði málið í sumar. 

„Við hugsum mikið um næringu og rakagjöf þegar við veljum okkur varaliti og gloss og því er gott að velja þá sem innihalda náttúrulegar olíur og öfluga rakaeiginleika. Lancôme kom með nýja varaliti á markaðinn fyrir stuttu, Mademoiselle shine, sem gefa mildan lit og ótrúlega fallegan glans og ljóma. Við höfum meira að segja verið að nota þá sem léttan highlighter á kinnbeinin sem kemur svo frísklega út.“

Er eitthvað sem þú þarft að eiga ef þú vilt geta skemmt þér fram á nótt án þess að farðinn láti á sja?

„Á löngum sumarnóttum hugsa svo margir um endingu förðunarinnar og þar erum við svo sannarlega með svarið. Spreyjaðu 4 gusum af All Nighter Setting Spreyinu frá Urban Decay og þú ert good to go, skothelt makeup í allt að 16 klst.“

All Nighter frá Urban Decay.

Leikurinn fer fram á Instagram. Til þess að taka þátt þarftu að pósta mynd af þér með sumarlega förðun, annaðhvort á Instagram Story eða á vegginn og tagga Termasnyrtivorur og Smartlandmortumariu. Í lok vikunnar drögum við svo út einn heppinn þátttakanda sem vinnur vörur frá Terma að verðmæti 63.000 kr.

Tengdar fréttir

Snyrtirútína í samkomubanni

Þetta eru snyrtivörur ársins 2020

• Hlúðu að stærsta líffærinu á erfiðum tímum
• Þetta gerir Andrea til að hressa fólk við
• Svona færðu stórar og kyssilegar varir
• Svona framkallar þú náttúrulega skyggingu í andliti

» Fleiri tengdar fréttir

• Blogga um frétt