Dita Von Teese er ein af þeim sem kann að klæða sig upp við hin ýmsu tækifæri. Hún er fínni en gengur og gerist þegar hún er heima fyrir. Oft í sokkabuxum í sama lit og húðin hennar er. Þessi stíll er mjög klassískur í anda fimmta áratugar síðustu aldar. Falke býður upp á þessar sokkabuxur í „Perfect skin“-línunni sinni.
Það sem er einnig vinsælt í þessum anda eru sokkabuxur með svartri línu að aftan. Þessar sokkabuxur urðu fyrst vinsælar í seinni heimstyrjöldinni. Fiskinet og doppu-sokkabuxur eru einnig í anda Dita Von Teese og verða þær sokkabuxur vinsælar áfram. Sokkabuxur setja punktinn yfir i-ið og geta breytt talsvert mikið ásýndinni á klassískum fatnaði.