Hin 22 ára gamla Andrea Ivanova, sem gæti verið með einar stærstu varir í heimi, er búin að fara 20 sinnum í varafyllingu. Hún er þó ekki hætt og ætlar að halda áfram að láta stækka varir sínar.
Gefið var grænt ljós á lýtaaðgerðir í Los Angeles í Bandaríkjunum nú á dögunum en Ivanova segir að læknirinn hennar hafi beðið hana að bíða í tvo mánuði áður en hún fengi sér aftur varafyllingu.
„Mér finnst varirnar mínar æðislegar, ég elska þær. Ég veit ekki hvort þær eru stærstu varirnar í heiminum, en þær eru með þeim stærstu, held ég,“ sagði Ivanova í viðtali við The Sun.
Ivanova byrjaði að fara í varafyllingar árið 2018 og hefur ekki litið um öxl síðan. Hún segir að það geti verið frekar erfitt að borða stuttu eftir eftir aðgerðina, verst tveimur til þremur dögum eftir hana.