7 heitustu sumarilmvötnin í ár
Setja bókamerki
Þegar óvíst er um ágæti veðursins í sumar er gott að eiga ilmvatn sem endurspeglar gleði sumarsins, ferskleikann og hitann.
Miss Dior Rose N´Roses frá Dior
Dior er aftur komið til Íslands og nýjasta ilmvatn þeirra minnir okkur sannarlega á þann þokka og fágun sem einkennir franska tískuhúsið. Miss Dior Rose N´Roses er nýjasta útgáfan af Miss Dior-ilmvatninu og er hún fersk og ljómandi. Þótt ilmurinn sé ferskur er hann ekki of sætur og lokkar mann til sín með líflegum ilmi af Damaskus- og Grasse-rósum. Ítölsk mandarína, bergamót og geraníum skapa hjarta ilmsins sem byggir að grunni á hvítum moskus.
Light Blue Love is Love frá Dolce & Gabbana
Sumarútgáfa Light Blue tekur okkur í ferðalag um sólríkar eyjur Ítalíu. Sítrónur og epli eru að sjálfsögðu á sínum stað en rauð ber blandast við ilminn og gera hann enn þá ferskari. Hindberin ýta undir jasmínuna í hjarta ilmvatnsins á meðan moskus og sedrusviður skapa ómótstæðilegan og munúðarfullan ilmgrunn.
Flowerbomb Dew frá Viktor & Rolf
Morgundögg rósarinnar blandast munúðarfullum írisar-blómum í þessum glitrandi og tilfinningaríka blómailmi. Ilmurinn blandast ilmi húðar þinnar og verður bæði blómakenndur og sætur. Ilmur af perum, bergamóti og moskus fullkomna ilminn.
So Scandal frá Jean Paul Gaultier
Björt appelsínublóm blandast ríkulegri Sambac-jasmínu og púðurkenndri tuberose. Þetta þríeyki hvítra blóma færir okkur heilagan sætleika sem springur þegar áhrifamikil hindber mæta til leiks. Ilmurinn ýtir þá á alla holdlegu takka manneskjunnar og undirtónninn verður erótískari. Ilmvatnsglasið er lýsandi fyrir þá sögu sem ilminum er ætlað að skapa, sagan sem skrifuð verður yfir nóttina.
In Love With You Freeze frá Emporio Armani
Ávaxtakenndur blómailmurinn er sætur, ferskur og bjartur. Heillandi kirsuber og mandarínur leiða okkur inn í hjarta ilmsins sem einkennist af jasmínu og dalalilju. Sætleikinn fær svo mótstöðu frá arómatískum ilmbotni þar sem vetiver og patchouli ráða för.
Santal frá Riddle
Djarfur, ferskur, kryddaður og viðarkenndur. Þessi ávanabindandi ilmur einkennist af sandalviði, kardimommu og ambur en samt er örlítill sætleiki þarna á bak við. Riddle framleiðir ilmi sína í olíu-formi án aukaefna og eru ilmirnir allir vegan og „cruelty-free“. Þar sem þeir eru ekki vatnsblandaðir endast þeir sérlega lengi á húðinni og eru þeir allir sérlega góðir.
Versense frá Versace
Ferskleiki, orka og upplifun fyrir skynfærin. Versense frá Versace býr yfir sjaldgæfum blómvendi í bland við sítrusávexti, kryddaðar ilmnótur á borð við kardimommu og munúðarfulla viðartóna. Það er engu líkara en að Versace hafi fangað fegurð Miðjarðarhafsins í flösku.
„Það þarf að vinna mikinn fjölda upp“
Tóku upp hanskann fyrir leikskólabörn
Skiptir miklu meira máli en fólk grunar
Vélsleðaslys: Þyrlan kölluð út á mesta forgangi
„Á réttri leið en nokkuð í land ennþá“
Verðbólgan komin niður í 6%
„Skýr skilaboð til Seðlabankans“
Veiting hvalveiðileyfis ekki brot á EES-samningi
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál