Í sama kjólnum 21 ári síðar

Leikkonan og fyrirsætan Elizabeth Hurley lét nýlega mynda sig í fjólubláum kjól frá Versace. Fataval Hurley vakti sérstaka athygli enda klæddist hún kjólnum fyrst fyrir 21 ári. Kjóllinn fer stjörnunni, sem verður 55 ára í næsta mánuði, ekki verr í dag en fyrir tveimur áratugum. 

Hurley deildi myndinni á Instagram en hún tók kjólinn úr skápnum fyrir myndatöku fyrir Harper's Bazaar. Fólk hefur verið duglegt að grafa upp gamlar myndir af Hurley í kjólnum. Hurley hefur lítið breyst en nýja myndin er þó meira unnin en sú eldri. Kjóllinn virðist dekkri og styttri en þegar Hurley klæddist honum upphaflega. 

Frétt af mbl.is

Kjóllinn sem breytti lífi Hurley

Hurley var spurð hvaða föt í skápnum hennar færu með hana á stað sem veittu henni gleði. 

„Ég á trilljón frábærar minningar og ég man ekki í hverju ég var í hvert skipti. Kjóllinn sem ég gróf upp fyrir myndatökuna er frá Atelier Versace. Ég klæddist honum fyrir 21 ári á CDF-tískuverðlaununum. Ég var með þáverandi kærasta mínum Hugh Grant og skemmti mér frábærlega,“ sagði Hurley og bætti því við að hún hefði pakkað honum inn í pappír og kjóllinn væri enn þann dag í dag fullkominn. 

• Blogga um frétt