Flugfreyjan Christine Pimrose Mathis er tvífari Meghan hertogaynju. Fólk tók eftir líkindum þeirra áður en Meghan gekk í bresku konungsfjölskylduna. Nú er flugfreyjan á skrá hjá fyrirsætuskrifstofu sem sér um tvífara fræga fólksins að því er fram kemur á vef Daily Mail.  

Hin 32 ára gamla Mathis er frá New Jersey í Bandaríkjunum. Líkindi hennar og Meghan eru mjög mikil. Þær eru báðar með mikið dökkt hár, nefið er svipað og munnsvipurinn er einnig áþekkur. Þegar Mathis klæðir sig upp eins og hertogaynjan er erfitt að greina þær í sundur. Hún hefur birt þó nokkrar samsettar myndir af sér og Meghan á tvífarasíðu sinni á Instagram.

Frétt af mbl.is

Tvífari Meghan hertogaynju veldur usla

„Margt fólk leitar að henni og af því það kemst ekki í beint samband við hana geri ég ráð fyrir að ég sé það næstbesta,“ sagði Mathis sem vill þó ekki gefa upp hversu mikið hún fái fyrir tvífaravinnuna og hvort það hafi breyst eftir að Harry og Meghan drógu sig í hlé. 

Fólk ruglar konunum tveimur reglulega saman. 

„Einu sinni var ég á leiðinni heim úr myndatöku í LA þegar flugvallarstarfsmaður varð mjög spenntur þar sem hann hélt að ég væri Meghan Markle. Þegar hann sá vegabréfið mitt skammaðist hann sín. Mér fannst það bara fyndið.“ 

Hér má sjá nokkrar myndir sem Christine Pimrose Mathis hefur birt af sér á samfélagsmiðlum. 

Tengdar fréttir

Tvífarar

Á stjörnutvífara í Los Angeles

• Segist ekki vera tvífari Kardashian
• Tvífari Cardi B gerir allt vitlaust
• Tvífari Jennifer Aniston slær í gegn
• Eyðir milljónum á ári í lýtaaðgerðir til að líkjast Ken

» Fleiri tengdar fréttir

• Blogga um frétt