Alma Möller landlæknir og Hildur Björnsdóttir borgarfulltrúi Sjálfstæðisflokksins eru tvær annálaðar smekkkonur. Buxnadragtir hafa verið í tísku síðustu misseri og hafa þær báðar sést í bláum buxnadrögtum að undanförnu.
Hildur mætti í fagurblárri buxnadragt í útgáfuboð Eddu Hermannsdóttur í síðustu viku. Við dragtina var Hildur í hvítum bol.
Alma hefur verið mikið í sviðsljósinu í ár og notaði meðal annars bláu dragtina þegar hún mætti á daglega fundi almannavarna. Hún klæddist einnig bláu dragtinni og hvítri skyrtu við þegar hún stillti sér upp fyrir ljósmyndara Morgunblaðsins sumarið 2018.