Vogue greinir frá því að rússneska listakonan Maya Golyshkina eigi upp á pallborðið um þessar mundir þar sem Marc Jacobs vörumerkið er að kynna hugvit hennar en það fjallar um að nota það sem finnst á heimilinu sem fatnað og fylgihluti.
Hún notar morgunkorn, klósettpappír og fleira tilfallandi og tekur af sér athyglisverðar ljósmyndir.
Starfsmenn tískuhússins fundu hana á samfélagsmiðlum og fengu hana í samstarf. Verk hennar þykja viðeigandi á tímum kórónuveirunnar þar sem margir eru heima við og ferðalög, útivera og mannfögnuður er á undanhaldi tímabundið.