Peekaboo-taskan frá Fendi er án efa ein vinsælasta taska veraldar. Söngkonan Rita Ora er meðal þeirra sem tóku þátt í að óska Fendi til hamingju með töskuna frægu sem varð tólf ára í vikunni.
Taskan hefur notið vinsælda frá því hún kom fyrst fram á sjónarsviðið en þá útskýrði Silvia Venturini Fendi að hugmyndin á bak við töskuna væri að færa nútímakonunni eitthvað einfalt og smart sem gæti gengið við öll tækifæri.
Tískuhúsið virðist hafa fengið nokkra þekkta einstaklinga til að birta ljósmynd af sér með uppáhalds Peekaboo-töskuna á samfélagsmiðlum.